dacionibus, tributis, convicinijs, exaccionibus, iudicijs, iuribus et consuetudinibus, imposicionibusque onerum et angariarum liberantes, quam vniuersitati predicte apropriamus, incorporamus, adiungimus perpetue et in ewum, nichil iuris in ea | et dominij pro nobis et successoribus nostris reseruantes, quam eisdem iuribus, libertatibus et gracijs, et singnanter in libertate fugitiuorum et alijs quibus dedicate fruuntur ecclesie, vtifrui volumus et gaudere, per ipsos doctores, magistros et collegiatos tenendam, habendam et perpetuis temporibus | possidendam. Ceterum pro maiori stabilimento studij generalis Cracouiensis prenotati dingnum fore arbitrantes hos, qui labores et onera sufferunt, non repelli a mercede, doctoribus et magistris ac collegiatis studij eiusdem Cracouiensis, qui fundamenta doctrinarum in eodem studio debent erigere | et lecturis ac informacionibus ipsorum studentes instruere et fouere, de centum marcis numeri polonicalis racione sallarij anno quolibet animaduertimus assingnandum: quas eis in theoloneo nostro Cracouiensi deputamus, per ipsos a theolonearijs, qui pro tempore fuerint, singulis quatuor | temporibus anni cuiuslibet per viginti quinque marcas, [tollendas et leuandas, quas ad requisicionem] et quitaciones ipsorum theolonearij sine omni excusacione et negligencia perpetue soluere tenebuntur. Si autem theolonearij predicti in solucione earundem peccuniarum negligentes fu|erint vel remissi, tunc doctores et magistri predicti auxilium [capitanei vel nostri locum tenentis primo et secundo] debent requirere ad exigendas peccunias memoratas : et si requisicio huiusmodi ipsis non fuerit profutura, tunc iure suo spirituali per sentencias excommunicacionum agrauacionum et interdicti ab ipsis theo|lonearijs easdem peccunias licite poterint extorquere. Verum quia parum prodest libertates concedere, nisi qui eas tueatur et conseruet, habeatur; pro quo studium predictum Cracouiense in iuribus libertatibus [et statutis] efficacius conseruare cupientes, episcopum Cracouiensem, qui pro tempore fuerit, | omnium et singularum libertatum, inmunitatum, exempcionum et statutorum studij supradicti conseruatorem constituimus eique damus plenam et liberam potestatem ipsum conseruandi et tuendi, libertatesque eius exequendi ac in rebelles et malefactores studij et studencium predictorum | penas, quas virtute presencium vel eciam secundum leges canones seu statuta locorum meruerint, exigente ipsorum maleficio et contumacia, racione preuia declarandi: qui eciam episcopus cum rectore vniuersitatis peccunias et sallarium pro magistris
