nisi cum rectoris familia et de ipsius requisicione speciali. Item si rector contra aliquem de sua iurisdiccione iuste processerit et secundum formam statutorum ipsum de vniuersitate excluserit, studiorumque comodis | priuauerit, ad requisicionem ipsius rectoris talis priuatus de ciuitate vtraque tam Cracouiensi quam Kazimiriensi, et alijs de nouo locandis et Cracouiensi ac Kazimiriensi inposterum adiungendis per aduocatos, ciues et incolas earundem protinus expellatur, nullusque talem in suo hospicio | aut mansione seu domicilio audeat colligere et fouere, vel sibi de necessarijs vite in victu et amictu aliquid ministrare. Si autem scolaris vel studens vel alius de predictis sentencie vel mandato rectoris non paruerit et rectori suo contumax fuerit et rebellis, ad requisicionem eiusdem rectoris | teneantur aduocati et consules ciuitatum predictarum eorum familiam mittere ad dicti rebellis pertinaciam compescendam. Hec autem statuta in presentibus contenta luteris, sub pena decem marcarum grossorum Pragensium que fisco scolarium debet aplicari, statuimus firmiter obseruanda, | qua pena statutorum prescriptorum et subscriptorum punire volumus transgressores. Statuimus eciam vt quocienscumque aliquos scolares in qualibet facultate per doctores seu magistros ad priuatum examen more consueto poni contingerit, super illos cancellarius noster, | qui pro tempore fuerit, tamquam supremus approbandi ipsum examen omnimodam habebit potestatem. Item ordinabimus predictis scolaribus vnum cambsorem vel iudeum in ciuitate Cracouiensi, qui habeat sufficientem peccuniam ad mutuandum ipsis super bonis pingnoribus, qui | de vsura non plus exiget, nisi vnum grossum de marca qualibet infra mensem. Demum statuta per doctores et magistros vniuersitatis predicte Cracouiensis condenda, que hic non potuerunt contineri, que in aliorum studiorum vniuersitatibus iuxta possibilitatem seruari | poterint, volumus pro ipsorum studio confirmare. Et vt doctores magistri, licenciati, baccalarij , studentesque vniuersitatis Cracouiensis predicte eorum lecturas, exercicia et actus doctrinarum liberius et magis comode valeant et poterint exercere, pro habitacione magistrorum et pro cottidiano ac comuni | congressu studencium et scolarium vniversitatis studij predicti Cracouiensis domum nostram, que Stephani Panchirz fuerat et vocabatur, quam et Gersdof olim ciuis Cracouiensis habebat in platea sancte Anne sitam, prout in eius latitudine, longitudineque et amplitudine est limitata et distincta, decreuimus | assingnandam, ipsam ab omnibus solucionibus,
