rum deuotissimorum principum, qui in partibus regionum suarum gymnasiorum locabant studia, et vocacione doctarum personarum defectus et | errores patriarum suarum eliminare et euellere satagebant, quorum exemplis cor nostrum refloruit et ad execucionem propositorum per ipsos pya consideracione productorum incepit cordintine asspirare. Videmus siquidem et ad oculum experimur, qualiter Parisius per conuocacionem et | et congregacionem peritorum, scientificorum et prudentum Franciam irradiat et venustat, quomodo Bononia et Padwa Italiam fortificat et exornat; qualiterque Praga Bohemiam illuminat et extollit, aut quomodo Vxonia totam fere Almaniam clarificat et fecundat. Profecto ad hoc | summi disposicione presidij plurimarum terrarum obtinuimus principatum et regni Polonie recepimus dyadema, vt ipsum regnum claritate doctarum personarum illustremus, quarum doctrinis defectus et vmbras eius possemus euellere, ipsumque ceteris regionibus coequare; | non dubitantes id ipsum subditis regni predicti et terrarum nostrarum salubriter profuturum, in Cracovia ciuitate nostra locum vbi studium vigeat generale in qualibet licita facultate, de consensu, voluntate et sciencia ac indulto sanctissimi in Christo patris domini et domini Bonifacij Dei prouidencia | Pape IX. sacrosancte Romane et vniuersali secclesie summi pontificis, ipsum benigne per bullarum suarum concessionem confirmantis, vtpote in theologica seu sacre scripture, iuris canonici, legum, phisice et arcium liberalium facultatibus nominandum, eligendum, constitu|endum ponendum et ordinandum ac erigendum duximus et tenore presencium facimus temporibus perpetuis duraturum. Sitque ibi scienciarum preualencium margaritha, vt viros producat consilij maturitate conspicuos, virtutum ornatibus redimitos et diuersarum facultatum | doctrinis eruditos, fiatque ibi fons doctrinarum irriguus, de cuius plenitudine hauriant vniuersi literalibus cupientes inbui documentis. Eiusdem studij generalis, quod in predicta ciuitate Cracouiensi, Deo auxiliante, ad decus nostre sacre Corone Polonie instaurandum decreuimus, incrementa felicia | ampliare frequencius aftectantes et longinquarum incolas regionum ad eius allicere desiderantes accessum: vniuersis et singulis clericis, laycis et scolaribus, cuiuscumque ordinis, condicionis et status existant, et singnanter rectoribus vniuersitatis, doctoribus, magistris graduatis, | baccalarijs, studentibus, scriptoribus, stacionarijs et bedellis ac eorum familiaribus quibuscumque, qui se gracia studii in ciuitatem predictam
